Сынақ тапсыру
Құқық негіздері · ҰБТ сұрағы №16345
Е және Қ мемлекеттері 2018 жылы шекаралық өзеннің суын бірлесіп пайдалану туралы екіжақты шартқа қол қойды. Қ мемлекеті шартты өз парламентінде бекітті, ал Е мемлекеті оны әлі ратификацияламаған және шарт күшіне енбеген, бірақ Е шартқа қатысушы болғысы келмейтінін ешқашан мәлімдеген жоқ. 2020 жылы Е мемлекеті өзеннің жоғарғы ағысында шарттың мақсатына қайшы келетін бөгет салуды бастады. Қ мемлекетінің елшісі наразылық білдіргеннен кейін Е полициясы елшіліктің ғимаратына елшінің келісімінсіз кіріп, тінту жүргізді. Үшінші мемлекет Е мен Қ арасындағы байланысты орнатып, келіссөз жүргізуге көмектесті, бірақ өз ұсыныстарын енгізбеді. Келіссөз нәтиже бермеген соң, Қ мемлекеті дауды Халықаралық Сотқа жолдады, ал Е мемлекеті Сот юрисдикциясын алдын ала мойындамаған болатын. Кейін Е мемлекеті Қ-ға зиян келтіргенін мойындап, бөгетті бұзып, бұрынғы жағдайды қалпына келтіруге келісті.

Е мемлекеті шартты ратификацияламаса да, бөгет салуына қатысты қандай ереже қолданылады?

Дұрыс жауабы мен түсіндірмесі
Жауабы: Қол қойған мемлекет шарттың мақсатына қайшы әрекеттерден тартынуға міндетті

Вена конвенциясының 18-бабы бойынша қол қойған мемлекет қатысушы болмайтынын анық мәлімдемегенше шарттың нысанасы мен мақсатын жоятын әрекеттерден тартынуға міндетті.

Осы тақырып бойынша тегін жаттығуҰБТ форматындағы пробныйды тапсыру

«Мемлекет және құқық» тақырыбынан тағы